Монголын дизайнеруудын холбооноос жил бүр зохион байгуулдаг "Гоёл-2017" наадам  өчигдөр Соёлын төв өргөөнд болж, загвар зохион бүтээгчид 2017 оны хувцас загварын чиг хандлагыг тодорхойлох шилдэг бүтээлүүдээ танилцуулсан юм.

Энэ удаагийн наадамд  хувцас, загварын чиглэлээр үйл ажиллагаа явуулдаг 10 гаруй байгууллага оролцож, үндэсний хувцас, үслэг эдлэл, спорт, өдөр тутмын, гоёлын даашинз, дотуур хувцасны төрлөөр өрсөлдсөн юм. Энэ жил “Топ модель” тодроогүй ч уламжлалт ёсоор наадмын шилдэг загвар өмсөгчид болон загвар зохион бүтээгчдийг шалгаруулав.

“Гоёл-2016” наадмын Гранпри шагналын эзнээр "Эртний Монгол хийц" загварын товчооны дизайнер О.Уранцэцэг тодорсон бол шилдэг эмэгтэй загвар өмсөгчөөр Д.Долгион, эрэгтэй загвар өмсөгчөөр Б.Азжаргал нар шалгарсан юм.

Мөн шилдэг эмэгтэй загвар өмсөгчөөр Д.Долгион, шилдэг эрэгтэй загвар өмсөгчөөр н.Азжаргал, дэд байрт Ц.Алтантуяа, фото моделоор Н.Ану, О.Ариунзул, ирээдүйтэй загвар өмсөгчөөр Г.Бүрд, “Kerasys” брэндийн нэрэмжит шагналыг загвар өмсөгчөөр Азжаргал, Золбоо, Хулангоо нар тодорсон бол “Cesers” брэндийн нэрэмжит шагналыг загвар өмсөгч Адъяа, Азжаргал, тусгай байрын шагналыг “G and S” компанийн “Somo” брэнд, “Mon line” компанийн загвар зохион бүтээгчид  хүртлээ.

Харин энэ удаагийн “Гоёл” наадам шинэ топ модель шалгаруулсангүй. Энэ нь тус салбарынхан болон загвар сонирхогчдын анхаарлыг ихээхэн татаж, цахим ертөнцөд багагүй хэлэлцүүлэг өрнөхөд хүргээд байна.  наадмын үеэр шүгчид болон холбогдох албаны хүмүүс ямар нэгэн тайлбар хийлгүй шууд хөшгөө хаасан нь ийнхүү олон хүмүүсийн анхаарлаа хандуулах болжээ.