Кино зохиолч, найруулагч, продюсер. А.Миеэгомбо өөрийн цахим хуудсанд цахилгаан хязгаарлалтын талаарх нийтлэл оруулжээ. Тэрбээр

"Зунаас хойш л өвөлжилтийн бэлтгэл гэж ярьцгаасан. ДЦС IV-ийн нэг тогоо эвдрэхэд улсаараа цахилгааны хязгаарлалтанд оров. Өдөр бүр 3 цаг цахилгаан таслахад ажлаа хэвийн хийх боломжгүй болов.

Засчихлаа гэхээр нь баярлатал цахилгааны хязгаарлалт бахь байдгаараа. Хэд ч хоночихов?

Засчихлаа гэсэн нь засаагүй. Болчихсон гэсэн нь болоогүй байж л дээ! Энэ нь өчигдөр Эрчим хүчний дэд сайдын хийсэн мэдэгдлээс тодорхой болов.

Яг хаана, ямар асуудал үүссэн, тэрийг нь хэн, ямар шатандаа нуун дарагдуулсан бэ, хэдий хэр хугацааны дараа байдал хэвийн түвшиндээ очих вэ гэдэг нь ч тодорхойгүй. Бүх мэдээлэл нь хоорондоо зөрүүтэй. Итгэхэд ч бэрх. Бодвол улс төрчид, сайд дарга нар л сандал суудалтай зууралдаж үлдэх гээд аргалаад байгаа бололтой.

“Мордохын хазгай” гэж нэг зүйл бий. Зандаа ах нэг л болохгүй нь дээ. Болохгүй бол чаддаг хүнд нь ЕС-аа өгөөд явах ёстой биз.

Юутай ч өвлийн ид хүйтнээр, 10 орчим хоног (цаашдаа хэд хонохыг таашгүй) ААН-үүдийн ажлаа хэвийн үргэлжлүүлэх боломжийг тасалдуулж, айл өрхийн ахуй амьдрал, цахилгаан дулааныг доголдуулж асуудал, бухимдал дагуулж буйд эрхтэн дархтнууд хариуцлага хүлээх хэрэгтэй!

XXI зуунд бид ингэж амьдармааргүй байна!!!" хэмээсэн байна.