Хаалтын үйл ажиллагаа нь зохион байгуулагдсанаас хойш хэдхэн хонож буй паралимпийн наадмын дугуйн уралдаанд оролцож байсан ираны тамирчин осолдож, амиа алджээ. Осол энэ сарын 17-нд болсон бөгөөд эрэгтэй дугуйн уралдааны C4-5 төрөлд оролцож байсан 48 настай Бахман Голбарнезхад тэмцээн ид дундаа өрнөж байх үед осолдсон байна.

Олон улсын паралимпийн хороо энэ талаар “Харамсалтай нь тэрбээр хорвоог орхисон. Анхны тусламж үзүүлж, тамирчдын  эмнэлэгт хүргэх замд түүний зүрх зогссон. Улмаар түргэний тэргээр ойролцоох эмнэлэгт очсон хүргэсэн хэдий ч, аль хэдийнэ хожимдсон байсан” гэж мэдэгджээ.  

Зүүн хөлгүй Бахман Голбарнезхад 2002 оноос хойш тэмцээн уралдаанд оролцож эхэлсэн байх бөгөөд 2012 оны Лондонгийн паралимпад ч оролцож байсан аж.  Энэхүү эмгэнэлт явдалтай холбогдуулан тамирчдын хотхонд Ираны төрийн далбааг хагас бөхийлгөжээ. Мөн хаалтын үйл ажиллагааны үеэр тамирчны дурсгалыг хүндэтгэн нэг минут дуугаа хураасан байна.