Маргааш 06:00 цагаас эхлэн БЗД-ийн 17-р хороонд хэсэгчилсэн хөл хорио тогтооно
Баянзүрх дүүргийн 17-р хороонд буюу Шар хадны эмнэлэг, техникийн зах, эмнэлгийн гудамж орчмын оршин суугчдаас халдвар нэмж бүртгэгдэж байгаа учир дараах арга хэмжээг авахаар болжээ.
Баянзүрх дүүргийн Онцгой комиссын шуурхай штабын дарга Г.Жаргалсайхан: "Эрүүл мэндийн яам, мэргэжлийн байгууллагуудаас ирсэн санал, зөвлөмжийн дагуу 2021 оны нэгдүгээр сарын 14-ний 06:00 цагаас Баянзүрх дүүргийн 17-р хорооны нутаг дэвсгэрт хөл хорио тогтоохоор боллоо. Хөл хорио нэгдүгээр сарын 16-ны 23:00 цаг хүртэл үргэлжлэх бөгөөд энэ хугацаанд иргэдийг шинжилгээнд хамруулна.
Иргэд өмнө нь шинжилгээнд хамрагдсан байсан ч дахин шинжилгээнд хамрагдана" гэлээ.
Хөл хорио тогтоосон хугацаанд явуулын болон суурин 10 цэгийг байгуулж, 18-аас дээш насны бүх иргэдээс өмнө шинжилгээ өгсөн эсэхийг үл харгалзан PCR шинжилгээг авах юм байна.
Хязгаарлалт тогтоосон хугацаанд 17-р хорооны нутаг дэвсгэрт үйл ажиллагаа явуулдаг хүнсний дэлгүүр, эмийн сан, эмнэлгийн үйлчилгээ хэвийн явагдаж, бусад хөдөлгөөн хязгаарлагдах учраас шинжилгээ өгөхөөс бусад тохиолдолд гэрээсээ гарахгүй байхыг анхааруулж байна.
Зөвлөгөө, шинжилгээтэй холбоотой мэдээллийг БЗД-ийн шуурхай штабын 80535063, 93190092, 1900-1063 дугаараас лавлах боломжтой юм.
17-Р ХОРООНЫ ИРГЭДЭЭС ШИНЖИЛГЭЭ АВАХ БАЙНГЫН 4 ЦЭГ:
• 79-р сургуулийн 1-р байр
• 17-р хорооны иргэд нийтийн танхим
• 21-р худаг
• Өргөн гудамжны “баян” дэлгүүр
Мөн явуулын 6 цэг ажиллаж 08.30-18.30 цагийн хооронд иргэдээс шинжилгээ авч байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
