NBA-ын солилцооны цонх нээгдэж өнгөрсөн жилийн аварга Лос Анжелес Лейкэрсээс Дэнни Грин, драфтын 28 дахь сонголтоо өгсөн бол Оклахома Сити Тандер Дэннис Шройдерыг авлаа.

Тэгвэл 2019-20 оны улиралд Деннис Шрөдер нийт 125 гурвын шидэлт оруулснаас 96-г нь дамжуулалтаас шууд аваад шидсэн шидэлт байж. Энэ үедээ тэр 41.4 хувьтай шиддэг юм байна. Харин сул буюу хамгаалагч түүнээс 1.6 метрээс хол зайд байх үед 139-с 66-г оруулжээ. Энэ нь 44.6 хувь гэсэн үг юм. Лэйкерс плэйоффт Дэнни Грийнд 45 сул шидэлт гаргаж өгсөн бөгөөд ердөө 16-г нь оруулж байсан юм.

Харин Шрөдер Грийнтэй харьцуулахуйц хамгаалалттай биш боловч илүү найдвартай шидэгч, бас бөмбөг эзэмшигчтэй болж байна гэсэн үг юм. Хоёр тоглогч ижилхэн 15 саяын цалинтай. Гэхдээ Шрөдер тийм ч муу хамгаалалттай бас биш. Тандер өнгөрсөн улиралд түүнийг талбай дээр байхад хамгаалалтын рэйтинг нь 103.0 байсан бол түүнийг суусан үед 111.8 байжээ. Плэйоффт ч ялгаагүй, Рокетсын эсрэг хийсэн 7 тоглолтод талбайд байх үед 103.8 суусан үед 114.9 болж байсан байна. Тэгэхээр багийн хамгаалалтад зохицож чаддаг тоглогч байх нь.