Хөлбөмбөгийн хамгийн алдартай тоглоом болох  “FIFA-17”-гийн туршилтын хувилбар гарах гэж байгаа талаар продюссер Гаррет Ридер мэдээлэл өгсөн байна. Түүний хэлж байгаагаар PC, PS4 болон Xbox дээрх туршилтын хувилбар нь энэ сарын 13-нд гарах ажээ.

Баталгаатай бус мэдээллээр тоглоом сонирхогчид туршилтын хувилбарыг Gamescom 2016 дээрээс татаж авч болох бололтой.  Туршилтын хувилбар дээрээс гурван цэнгэлдэх хүрээлэнд, 11 багаар л тоглох боломжтой гэнэ. Тухайлбал, “Реал”, “Манчестер Юнайтед”, “Челси”, “Лион”, “Пари Сен-Жермен”, “Сиэттл Саундерс”, “Тигрес”, “Байерн Мюнхэн”, “Гамба Осака”, “Интер” болон “Ювентус” гэсэн багууд багтаж байгаа юм.

Тэгвэл энэхүү тоглоом PC, PlayStation 3, PlayStation 4, Xbox 360 боло Xbox 1 дээр тоглож болохоор энэ сарын 29-нд албан ёсоор гарах юм байна.