УИХ-ын сонгуулийн 15-р тойрог буюу Увс аймагт АН-аас нэр дэвшээд ялагдал хүлээсэн дуучин С.Жавхлан мэдэгдэл хийлээ. Тэрбээр "Амар байцгаана уу. Нутгийнхандаа хандаж нэг юм хэлье. Энэ өдрөөс хойш миний дууг нэг нь ч битгий сонсоорой. Дээрээс нь энэ амьдрах насандаа би хэзээ ч дахиж нутагтаа ирэхгүй гэдгээ зарлаж байна. Мөнгөнд хууртдаггүй болсон цагтаа надтай харгацгаатан. Миний ах дүүс мэнд амгалан жаргалантай байх болтугай. Монголыг мөнгө дийлдэг юм байна. Зүрх сэтгэлдээ Монголоо л хайрлаж яваарай гэж хэлье дээ. Төрсөн ганц ахаасаа уучлал гуйж байна. Дахиад хэзээ ч нутагтаа ирэхгүй. Баярлалаа" гэлээ.