Ө.Батцэцэг Монголын анхны ФИФА зэрэглэлтэй эмэгтэй шүүгч боллоо

Ө.Батцэцэг Монголын анхны ФИФА зэрэглэлтэй эмэгтэй шүүгч боллоо

МХБХ-ны шүүгч Ө.Батцэцэг ОУХБХ-ны туслах шүүгчийн зэрэглэлтэй болж 2021 оны олон улсын шүүгчдийн жагсаалтад албан ёсоор нэрээ бичүүллээ. Ө.Батцэцэг МХБХ-ны дээд зэрэглэлийн тэмцээнүүд болох Үндэсний дээд лиг, Үндэсний нэгдүгээр лигт туслах шүүгч, Эмэгтэйчүүдийн лигт талбайн шүүгчээр ажилладаг. Тэрээр эрэгтэй шүүгчдийн гүйх ёстой фитнесс шалгууруудыг гүйцэтгэж чаддаг ирээдүйн чадварлаг шүүгч юм. Энэ ташрамд дурдахад Б.Хаш-Эрдэнэ талбайн шүүгч, Э.Галбадрах, Э.Ариунболд, Ө.Батцэцэг туслах шүүгч, Р.Жаргалсайхан футзалын ОУХБХ-ны шүүгч гэсэн Монгол шүүгчид олон улсын шүүгчдийн 2021 оны жагсаалтад бичигдэж байна. Монгол улсын эмэгтэй шүүгчдээс анх удаа ОУХБХ-ны зэрэглэлт хүртсэн Ө.Батцэцэг болон бусад шүүгчиддээ ажил хөдөлмөрийн өндөр амжилт хүсэж, олон улсад тэмцээн уралдаан шүүн явуулахыг хүсэн ерөөе.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.