NBA-ын талбайд плэйоффын эхний шатны гурван тоглолт боллоо. Финикс Санс талбайдаа Лос Анжелес Лейкэрс багтай цувралын хоёр дахь тоглолтоо хийж 102-109 харьцаагаар Лейкэрс хожлоо. Улмаар 1-1 харьцаагаар цуврал тэнцсэн бөгөөд цувралын гурав дахь тоглолт Лос Анжелес Лейкэрсын талбайд энэ сарын 28-ны өглөө болно.

Тус тоглолтод Энтони Дэвис 34 оноо, 10 самбар, 7 дамжуулалт, 3 хаалтаар багаа тэргүүлсэн бол Леброн Жеймс 23 оноо, 4 самбар, 9 дамжуулалт, Деннис Шройдер 24 оноо, Андрей Друммонд 15 оноо, 12 самбараас бөмбөг авалтыг дунджилжээ. Эсрэг багаас Крис Пол өмнөх тоглолтын мөрний бэртлийн улмаас 23 минут тоглосон бөгөөд 6 оноо,5 дамжуулалтыг өгсөн бол Дэвин Бүүкер 31 оноо, ДиАндрей Эйтон 22 оноо, 10 самбараас бөмбөг авчээ.

Бусад тоглолтууд

Бостон Селтикс 108-130 Брүүклин Нетс /0-2 харьцаагаар Нетс илүүрхэж байгаа/

Лос Анжелес Лейкэрс 109-102 Финикс Санс /1-1 харьцаагаар тэнцлээ/

Даллас Мавирекс 127-121 Лос Анжелес Клипперс /2-0 харьцаагаар Мавирекс илүүрхэж байгаа/