Долоон орны бадминтончид Монголд өрсөлдөж байна

Долоон орны бадминтончид Монголд өрсөлдөж байна

Монголын бадминтон сонирхогчдын холбооноос өсвөрийн бадминтонточдын олон улсын нээлттэй тэмцээнийг эх орондоо зохион байгуулж байна. Гурав дахь жилдээ зохиож буй уг тэмцээнд Тайланд, Энэтхэг, Макао, Сингапур, Тайвань, Солонгос, Монгол зэрэг долоон орны 99 тамирчин ур чадвараа сорин өрсөлдөж байгаа юм.

Тэмцээн эрэгтэй, эмэгтэй ганцаарчилсан, холимог хос, эрэгтэй хос, эмэгтэй хос гэсэн таван ангилалд болж, энэ сарын 23-нд аваргуудаа тодруулна. Монголын бадминтон сонирхогчдын холбооны 20 жилийн ой энэ онд тохиож буй.

 Энэ хүрээнд өсвөрийн олон улсын тэмцээнээс гадна “Токио-2020” наадмын олимпийн эрхийн оноо цуглуулах насанд хүрэгчдийн тэмцээнийг эх орондоо зохион байгуулж байна. Уг тэмцээний дараа үргэлжлүүлээд 2020 оны олимпийн эрхийн оноо олгох тэмцээн Спортын төв ордны “А” зааланд эхлэх аж. Энэхүү тэмцээнд 24 орны 300 гаруй тамирчин өрсөлдөхөөр мэдүүлгээ ирүүлсэн бөгөөд энэ сарын 25-30-ны хооронд үргэлжлэх гэнэ.

 

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.