Лионель Месси ял сонслоо

Лионель Месси ял сонслоо

Хөлбөмбөгийн дэлхийн од Лионель Месси татвараас зайлсхийсэн хэргээр ял сонсчээ. Тодруулбал, түүнд холбогдох хэргийн шүүх хурал болж,  Испанийн шүүхээс түүнийг нийтдээ 4.1 сая еврогийн татвараас зайлсхийсэн хэрэгт буруутган нэг жил есөн сарын хугацаанд хорих ялыг ногдуулжээ. Одоогоор түүний өмгөөлөгчид нь давж заалдах шатны шүүхэд хандана гэдгээ мэдэгдээд байна.

Аргентины шигшээ багийн шилдэг тамирчин Бразилын дэлхийн аварга шалгаруулах тэмцээний хамгийн үнэ цэнэтэй тоглогчоор тодорч байсан бөгөөд тэрбээр  Испанийн  “Барселона” клубт  харьяалагддаг юм. Олон улсын эрэн сурвалжлах сэтгүүлзүйн консерциумаас дэлгэсэн оффшор компанитай олны танил эрхмүүдийн жагсаалтад Лионель Мессигийн нэр багтсан байдаг. 

Түүний хувьд орлогоосоо нийтдээ хоёр сая еврог нуусан байсан нь илчлэгдэж, ийнхүү Испанийн шүүх түүнд нэг жил есөн сарын хугацаанд хорих ял болон хоёр сая еврогийн торгууль ногдуулсан байна. Испанид тухайн яллагдагчид хоёр жилээс бага хугацааны хорих ял ногдуулсан тохиолдолд тэнсэн харгалзах ял болгох нь их байдаг. Тиймээс Месси хоригдохгүй байх магадлал өндөр байна.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.