Дэлхийд алдартай “Got talent” шоуг Монголдоо амжилттай зохион байгуулсан “Монгол HD” телевиз  Голланд улсаас гаралтай “The Voice” шоуг албан ёсны эрхтэйгээр зохион байгуулахаар болоод байгаа билээ.  Уг шоу нь анх 2010 онд эхэлж байсан бол өдгөө дэлхийн 62 улсад зохион байгуулагдаж байгаа юм.

Тэгвэл “Авьяас, чанар, чадвар” уриатай уг шоуны оролцогчдыг энэ сарын 15-наас бүртгэж эхлэх аж. Оролцогчдын нас хүйс, арьс өнгийг харгалзалгүй зөвхөн дуу хоолойг нь сонсч өрсөлдүүлэх уг шоу дөрвөн үе шаттай. Харин шилдэг оролцогч алдарт “Universal music” студитэй шууд гэрээ байгуулах эрхтэй болдог юм байна.