Спортын тайлбарлагч С.Шижирбат өөрийн цахим хуудсанд удахгүй болох “Улаанбаатар марафон-2026”-ны талаар нийтлэл оруулсан байна. Тодруулбал,

Нийслэлийн Биеийн тамир спортын газрынхаан УБ Марафоныг хэзээ аятайхан зохион байгуулж сурах вэ.

Та нарыг спорт мэдэхгүй гээд элдэвлээд байлтай бишдээ. 42км 195 метр бүтэн марафоныг 1 тойрхоор маршрутыг хийж болноо. Дэлхийн шилдэг марафонууд 1 тойргоор л уралддаг. Манайх 2 тойруулахаар замбараагүй байдал үүсдэгээ. Бүтэн болон хагас марафоныг Дэлхийн жишгээр өглөөний сэрүүнд 7 цагаас тусад нь гаргаа, цагийн амжилтанд сайнаар нөлөөлнөө, нар дээр гарчихсан үед манайх шиг эхлүүлдэг марафон гэж байхгүй ээ, бусад ойрын зайнуудаа 10 цагаас гаргаа, бөөнд нь нийлүүлээд гаргахаар марафоны гүйгч нарт гай болдогоо, наад захын баруун гарын дүрэм мэдэхгүй гүйгч нартаа зай тавьж өгөхгүй гүйлтийн хэмнэлд нь муугаар нөлөөлж улмаар цагийн амжилт нь хойшилдогоо.

Өнгөрсөн жил хүмүүсийн түгжрэл үүсч бүтэн марафонд түрүүлсэн Кенийн Денис Мугенди сүлжиж гүйж хэмнэлээ алдаад толгой сэгсэрч орж ирж байлаа. Манай улсын шилдэг МУГТ Б.Сэр-Од 2016 оноос хойш УБ марафонд гүйсэнгүйээ. Жил болгон усны асуудал гардагаа, ус дуусна гэдэг байж болшгүй зүйлээ, бүтэн марафонд 5 км тутамд 8 усны цэгтэй байдаг юмаа, өөр зайнуудад жирийн сонирхогч нар гүйж байгаа үед 2,5км тутамд усны цэгүүдтэй байдаг юмаа. Наад захын ийм юмаа мэдэхгүй зохион байгуулалтын алдаанууд гаргасаар ирсээн.

Энэ жил ч гэсэн усны цэг 5 байна л гэх. Татвар төлөгчдийн мөнгөнөөс 900 саяыг гаргаж байнаа, мөн 46 мянган хүмүүс бүртгүүлж мандатны хураамж тэрбум руу дөхлөө, мөн ивээн тэтгэгч байгууллагууд гээд нийтдээ 2 тэрбум давсан мөнгөөр хачин юм хийдгээ больмоор байнаа.

Үйл ажиллагааны зардлуудаа гаргаад цаана нь өчнөөн сая үлддэг мөнгө хаашаа алга болдог вэ. Шагналын сан бага гээд Дэлхийн дээд түвшний элитүүд манайд ирдэггүйээ, энэ цугласан мөнгөө зөв зарцуулаад шагналын сангаа нэмээд эртнээс урилгаа өгч гуйгаад замын зардал байр хоолыг даана гээд дүрмийн дагуу 3 сарын өмнө эцсийн байдлаар баталгаажуулхад Дэлхийн нэр бүхий шилдэг гүйгч нарыг нутагтаа уралдуулж болноо.

УБ хот далайн түвшнээс 1350 метр учраас ирж уралдах сонирхол байгаа. Энэ жил гаднаас хичнээн гүйгч нар ирж байна, тэднээс яг хэд нь элитүүд байна гээд зарлах ёстой газар нь ажлаа мэдэхгүй зарлаж чадахгүй байна, өмнөх жилүүдэд ч зарладаг гэдгээ ч мэддэггүй байсан, зарлаж чаддаггүй байсан.

Бусад марафонууд дүрмийн дагуу 3 долоо хоногийн өмнө зарладаг юмаа. 7хон хоногийн өмнө Дэлхийн шилдэг 6 марафоны нэг Лондоны марафонд Кенийн Себастьян Саве 42 км 195 метрийг 1 цаг 59 минут 30 секундэнд гүйж Дэлхийн шинэ рекорд тогтоолоо, хүн 42км-ийг 2 цаг дотор гүйж чадна гэдэг нь цаг хугацааны асуудал байсаан, Дэлхийн хөнгөн атлетик сонирхогч нар энэ гайхалтай амжилтыг хүлээж байлаа.