Лос Анжелес багийн тоглогч Леброн Жеймс улирал болон плейоффийн тоглолтод авсан оноо 51 мянгад хүрлээ. Тэрбээр энэ жил 41 настай бөгөөд NBA-д 23 дахь улиралдаа тоглож байна.

Түүний баг нь өнөөөдөр Торонто Репторс багийг талбайдаа хүлээн авч тоглож 93-110 харьцаагаар хожил байгуулсан байна. Леброн Жеймс 24 оноо, 4 самбар 7 дамжуулалт, 2 хаалтаар багаа тэргүүлсэн бол Лука Дончич 25 оноо, 7 дамжуулалт, ДиАндрэй Эйтон 25 оноо, 13 самбар, Руй Хачимура сэлгээнээс 10 оноог авсан байна.

Эсрэг багаас Скоти Барнес 22 оноо, З самбар, Брэндон Инграм 19 оноог 6 самбар, 7 дамжуулалт, Сандро Мамукэлашвили сэлгээнээс 20 оноог авсан байна.

Улмаар Лейкэрс сүүлийн долоон тоглолтоос хоёрт нь хожиж, улирлыг 25 хожил, 16 хожигдолтойгоор өрнөд бүсийн 6-рт эрэмбэлэгдэж байна. Харин  Репторс 25 хожил, 19 хожигдолтой болж дорнод бүсийн 4-р байрт бичигдэж байна.