NBA-ын талбайд 12 тоглолт боллоо. Мөн улирал дундах "Emirates NBA Cup-2025" тэмцээн давхар болж байгаа бөгөөд өнөөдрийн сүүлийн тоглолт Лос Анжелес Лейкэрс талбайдаа Даллас Мавирекс багийг хүлээн авч 119-129 харьцаагаар Лейкэрс хожиж, улирлын зургаан тоглолт дарааллаж хожил байгуулж, 14 хожил, 4 хожигдолтой болж өрнөд бүсийн хоёрт эрэмбэлэгдэж байгаа бол Даллас таван хожил, 15 хожигдолтой болж өрнөд бүсийн 14-рт бичигдэж байна.

Мөн Лейкэрс  улирал дундах "Emirates NBA Cup-2025" тэмцээнд дөрвөн хожилтойгоор өрнөд бүсийн хэсгээс гарч, хасагдах шатан Сан-Антонио Спөрс багтай учраа таарч байгаа бол Оклахома Сити Тандер болон Финикс Санс багууд нөгөө хэсэгт учраа таарсан байна. Харин дорнод бүсээс хасагдах шатанд Орлондо Межик, Миами Хит багтай учраа таарсан бол Торонто Репторс, Нью-Иорк Никс багтай учраа таарсан байна.

Өнөөдрийн тоглолтод Лейкэрсээс Остин Риверс 38 оноо, 8 самбараас бөмбөг авч багаа тэргүүлсэн бол Лука Дончич 35 оноо, 11 дамжуулалт, Леброн Жеймс 13 оноо, 5 самбар, 7 дамжуулалт Диандрэй Эйтон 17 оноо, 8 самбар, 2 хаалтыг гүйцэтгэсэн байна. Эсрэг багаас П.Ж Вашингтон 22 оноо, 9 самбар, Энтони Дэвис 12 оноо, 5 самбар, 5 дамжуулалт, 3 хаалт, сэлгээнээс Нажи Маршил 16 оноог авсан байна.