Электрон спортын CS2 төрлийн "FISSURE Playground 2" тэмцээн /2025.09.12/ өдөр Серби улсын Белград хотноо болж байна. Тус тэмцээн 1250,000 ам.долларын шагналын сантай бөгөөд Монгол Улсын "The Mongolz" баг оролцож байгаа. Манай залуус шөвгийн дөрвөн багийн тоглолтоо өчигдөр (2025.09.20) Нидерландын Team Liquid багтай тоглож 2-1 (Dust2 13-3, Mirage 5-13, Ancient 13-5) харьцаагаар хожлоо.

Улмаар тус тэмцээний аваргын төлөө шалгарч үлдсэн бөгөөд аваргын төлөө Бразилийн "FURIA" багтай өнөөдөр (2025.09.21) 21:00 цагаас тоглоно. Хоёр баг энэ жил дөрвөн тэмцээнд учраа таарч тоглосон бөгөөд гуравт нь хожсон байна. Хамгийн сүүлд "BLAST.tv Austin Major 2025" тэмцээний эхний шатанд таарч 11-13 харьцаагаар манай залуус хожигдож байжээ.

Манай залуус эхний тоглолтоо Францын "3DMAX" багтай тоглож 1-2 (inferno 10-13, Ancient 13-5, Nuke 9-13) харьцаагаар хожигдсон ч хоёр дахь тоглолтоо Хятадын "Lynn Vision Gaming" багтай хийж 2-0 (Dust2 13-11, Ancient 13-6, Nuke 0-0) харьцаагаар, "The Mongolz" баг Хятадын "TYLOO" багтай тоглож 2-1 (Mirage 10-13, Overpass 13-10, Ancient 13-7) харьцаагаар, АНУ-ын "FaZe Clan" багтай тоглож 2-1 (Mirage 13-11, Inferno 13-16, Ancient 13-5) харьцаагаар гурван тоглолт дарааллаж хожиж, шигшээ шатанд шалгарсан юм.

Улмаар хасагдах шатны шилдэг найм багийн тоглолтоо Европын холбооны "G2 Esports" багтай тоглож 2-1 (Mirage 13-11, Dust2 7-13, Ancient 13-9) харьцаагаар хожсон билээ.