Зайлшгүй ажиллах салбарын жагсаалтад такси үйлчилгээ багтаж байгаа. Тэгвэл такси компаниуд дуудлагын утас ашиглахдаа энгийн төлбөрт буюу 1800 дугаар ашиглах  ёстой байтал "Бүх төрлийн мэдээлэл, лавлах үйлчилгээ" зөвшөөрлөөр минут нь 500-700 төгрөг хооронд төлбөртэй (1900) дугаарыг ашиглан Такси дуудлагыг дамжуулан холбох маягаар ажиллаж байгааг ШӨХТГ-аас шалгаж байгаа аж.  1800-1950 дугаарын утас нь минут орчим дуудахад авахгүй байх атал 1900-1950 дугаарын утас нь 10 секундын дотор дуудлага авч байгаа нь илэрчээ.  Энэ нь такси компаниуд зориудаар худалдааны арга хэрэглэн өндөр төлбөрт дугаараас үйлчилгээг авахуулах, төлбөрийг тооцон авч ашиг олох зорилго агуулж байна хэмээн үзэж албан тоотыг хүргүүлсэн байна. 1900-1950 нэг минут нь 700 төгрөгний тарифтай бол 1800-1950 дугаар энгийн тарифтай. 1900-1991 нэг минут нь 500 төгрөгний тарифтай бол 1800-1991 утсаар энгийн тарифтай байна.