Коронавируст халдварын нөхцөл байдлаас шалтгаалан ЭМЯ болон холбогдох эх сурвалжийн 11:00 цагийн мэдээллийг хүргэж байна. ХӨСҮТ-ийн Тандалт, судалгааны албаны дарга А.Амбасэлмаа "Арваннэгдүгээр сарын 23-ны 11.00 цагаас хойш нийт 4335 хүнд шинжилгээ хийсэн байна. Нийт 32 тохиолдол шинээр бүртгэгдлээ. Үүнд Улаанбаатарын голомтоос гурван тохиолдол шинээр илэрсэн. Тодруулбал, эхнийх нь Буянт-Ухаа хороололд анхны батлагдсан хоёр тохиолдлын хамт төрсөн өдөрт орсон 46 хүнийг тусгаарлахад нэг хүний давтан шинжилгээнээс коронавирус илэрсэн бол хоёр дахь нь төмөр замын өрхийн эрүүл мэндийн сувилагч, гурав дахь нь өмнөх Буянт-Ухаа хорооллын батлагдлсан тохиолдлын ойрын иргэн байна. Эдгээр гурван хавьтлын ойрын хавьтал 111 хүн, хоёр дахь хавьтал нийлээд 278 хавьтлыг бид илрүүлсэн. 

 

ЭМЯ: 32 шинэ тохиолдол бүртгэгдэж, дотоодын халдвар 235 боллоо

 

Сэлэнгэ аймагт 26 тохиолдол шинээр илэрч 124 боллоо. 

 

Говьсүмбэр аймагт 3 хүнээс илэрсэн. 

 

Дотоодын халдвар нийт 235 боллоо. Мөн зөөвөрлөгдөн орж ирсэн нэг тохиолдол батлагдсан. Арваннэгдүгээр сарын 10-нд ОХУ-аас Алтанбулагийн боомтоор орж ирсэн иргэний давтан шинжилгээгээр коронавирус илэрэн. 

 

Монгол Улсад коронавирусийн батлагдсан нийт тохиолдол 672, эдгэрсэн 342 байна. 

 

Цэргийн төв эмнэлэг болон ХӨСҮТ-д нийт 323 хүн эмчлүүлж байгаагаас нь 

 

хүнд-2

 

хүндэвтэр-44

 

хөнгөн 277 хүн байна. 

 

Улаанбаатар хотын дүүргүүдэд өвчлөл гарч байгаа. Батлагдсан тохиолдлууд үзвэр үзсэн, караокед орсон, хамт хоол идсэн, мэргэжлийн ажлаа буюу бариа засал хийсэн байна" гэв.