“Vanquish” хамтлагийн гишүүн, реппер Цэцэ буюу Н.Цэцэнбилэг сүүлийн үед кино хийгээд зав муутай байгаа ажээ.  Киноны зохиолыг өнгөрсөн тавдугаар сараас эхлэн бичсэн аж. Харин одоо зураг авалтаа хийж байгаа бөгөөд энэ ондоо багтаагаад нээлтээ хийхээр төлөвлөж байгаа юм байна.

Киноны хувьд инээдмийн төрлийнх байх гэнэ. Энэ талаар Цэцэ “Инээдмийн кино хийж байгаа. Гэхдээ инээдмийн гэхээр маазраад, маяглаад л байх юм биш. Энгийн аргаар хүмүүсийг инээлгэнэ. Хошин шогийнхон шиг жүжиглэж барихгүй. Зүгээр л хоёр хүн ярьж суугаад иээлддэг шиг л тийм энгийн байна. Үг яриагаар хүмүүсийг инээлгэнэ гэх үү дээ” хэмээн ярьжээ.

Мөн “Vanquish” хамтлагийн удахгүй 20 жилийн ойн тоглолтоо хийх гэж байгаа “Ice top” хамтлагийн нэг дууг дуулахаар бэлтгэж байгаа юм байна.