Английн премьер лигийн 2017-2018 оны улирал эхэлсэн билээ. Улирал эхлээд 4 тойргийн ард гарсан ч “Кристал Палас”, “Борнмут” гэсэн багууд ганц ч оноо авч чадаагүй байгаа юм. Тэгвэл 4 тойргийн дараах байдлаар “хомоол хамж” байгаа “Кристал Палас” багийнхаа дасгалжуулагч, Недерланд мэргэжилтэн Франк де Бурыг ажлаас нь халлаа.

Харин түүний оронд Английн шигшээг хэсэг зуур удирдаад халагдсан Рой Хожсоныг томилсон байна. Ийнхүү “Бүргэдүүд” шинэ дасгалжуулагчтай боллоо. Тавдугаар тойрогт “Кристал Палас”-ынхан “Саутгэмптон”-тай тулна.