Өмнөговь аймгийн Ханбогд сумын сурын холбооны 20 жилийн ойд зориулан “Мөсөн сурын харваа-2023”-г нээлттэй зохион явууллаа.
Тус сумын хувьд үндэсний спортын төрлүүдийг хөгжүүлэх, түгээн дэлгэрүүлэх, ирээдүй хойчдоо өвлүүлэн сурталчлах чиглэлээр тодорхой ажил тогтмол зохион байгуулдаг. Үүний үр дүнд тус сумаас улс, аймгийн спортын мастер, гарамгай мэргэд төрөн гарсаар байна.
Тус үйл ажиллагаанд Өмнөговь аймгийн Даланзадгад, Ханбогд сумын болон Дундговь, Дорноговь аймгийн нийт 20 гаруй харваач оролцож цэц мэргэнээ сорилоо.
Үүнд Өмнөговь аймгийн харваач Ж.Мөнхболд 17 оноогоор тэргүүлсэн бол дэд байрт Дундговь аймгийн харьяат Монгол Улсын мэргэн, спортын мастер Б.Эрдэнэцогт, гутгаар байрт Ж.Билэгдэмбэрэл, тусгай байрт Н.Алтанхүү, С.Жаргалсайхан нар тус тус шалгарчээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
