"Парис-2024" зуны олимпын наадмын албан ёсны оноо олгох “Улаанбаатар их дуулга-2022” жүдо бөхийн олон улсын тэмцээн өнөөдөр эхэлнэ. Тус тэмцээн зургадугаар сарын 24-26-ны өдрүүдэд зохион байгуулагдах бөгөөд тэмцээнд 30 орны 260 тамирчин оролцохоос ОХУ-ын тамирчид Олон улсын жүдо бөхийн холбооны далбаан дор барилдах юм. Харин Украины шигшээ баг ирээгүй аж.
Эхний өдөр эмэгтэй -48 кг, -52 кг, -57 кг, эрэгтэй -60 кг, -66 кг жингийн барилдаанууд болно.
Эмэгтэй -57 кг жинд А хэсэгт М.Ичинхорлоо багтсан бөгөөд эхний тойрогт БНСУ-ын бөх Ежи Кимтэй барилдаж цэвэр ялсан бол дараагийн тойрогт Израйлын бөх Тимна Нелсонтой барилдаж цэвэр ялагджээ. Улмаар торгуулийн тойрогт Чехийн бөх Зеро Земиноватай барилдаж торгуулиар цэвэр ялж, хүрэл медалийн төлөө барилдах эрхтэй болжээ. Хүрэл медалийн төлөө барилдах түүний өрсөлдөгч Германы бөх Паулин Старкийг хоёр удаа базари үнэлгээ авч цэвэр ялсанаар хүрэл медаль хүртлээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
