Үндэсний шигшээ баг, “Хилчин” спорт хорооны тамирчин ОУХМ Зоригтын Болортунгалаг Красноярскийн дэвжээнд Монголын эмэгтэй бөхчүүдээс хоёр дахь алтан медалийг авчирлаа. Тэрбээр өнгөрсөн сард Казахстаны Алматыд болсон Азийн АШТ-д урамтай сайхан барилдаж алтан медаль хүртсэнийг бөхийн хорхойтнууд сайн санаж байгаа. Тэгвэл ийнхүү сарын зайтай хоёр дахь түрүүгээ хүртэж “давхар цохилт” хийлээ. З.Болортунгалаг Красноярскийн дэвжээнд эзэн орны Мария Кузнецова, Динара Кудаева, Алина Климова, Евгения Апевалова нарыг илүүрхэж ялав. Маргааш манай бөхчүүдээс эмэгтэйчүүдийн 53 кг-ын жинд спортын мастер Б.Хулан, 62 кг-д ОУХМ Э.Гантуяа хүрэл медалийн төлөө, эрэгтэйчүүдийн 65 кг-д спортын мастер Э.Төгсжаргал дагаж барилдана.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
