Монгол улсын баг Азийн аваргын шилдэг наймд шалгарлаа

Монгол улсын баг Азийн аваргын шилдэг наймд шалгарлаа

3х3 сагсан бөмбөгийн Азийн цомын тэмцээн БНХАУ-ын Чангшиа хотод болж байна. Тус тэмцээний Б хэсэгт Австрали, БНСУ-ын багтай хамт орсон Монгол Улсын шигшээ баг хэсэгтээ нэг хожилтойгоор хоёрдугаар байрт бичигдсэн байна. Манай залуус өнгөрсөн жил аваргын төлөө өрсөлдөж байсан Австралитай дахин тоглохдоо 21:8-аар хожигдсон ч БНСУ-ыг 20:14-өөр хожжээ.

Ийнхүү манай баг шөвгийн наймд шалгаран цаашид тоглох боломжтой болоод байна. Шөвгийн наймд манай баг тэмцээний гол шуугианыг тарьсан Йордантай тоглоно. Йордан залуус тэмцээний чансааг тэргүүлэгч Японыг хэсгийн шатанд хожсон юм. Тус тэмцээнээс манай баг 2017 онд алт, 2018 онд мөнгөн медаль хүртэж байсан билээ. Эмэгтэйчүүд Казахстан, Киргизстантай нэг хэсэгт орсон бөгөөд өнөөдөр тоглох юм. Харин эрэгтэй шигшээ 26-ны Ням гарагт 13:10 цагаас Иорданы багтай шөвгийн наймд тоглоно.  

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.