“Хэлгүй” гишүүдээр хэн, хэн тодров
УИХ-ын 2016 оны намрын ээлжит чуулган аравдугаар сарын 03-нд нээлтээ хийж, хоёрдугаар сарын 10-нд завсарласан. Нийт дүнгээрээ УИХ-ын нэгдсэн хуралдаан 34 удаа болж, Байнгын болон Дэд хороод 140 удаа хуралдсан байна. Түүнчлэн бие даасан 22 хууль, хуульд өөрчлөлт оруулах тухай 190 хууль, зээлийн хэлэлцээр соёрхон батлах тухай гурван хууль, УИХ-ын 59 тогтоолыг хэлэлцэн баталжээ.
МАН-ын үнэмлэхүй олонхи буюу 65 кноптой парламент ажлын 85 өдөр чуулахдаа гишүүдийн идэвх маш сул байсан. Бүр зарим тохиолдолд ердөө 20 гаруйхан гишүүн кноп дарж суудаг жишиг тогтоод авсан. Ялангуяа шинээр орсон гишүүд маань амьгүй албатууд, намын кноп дардаг барлагууд болж байна гэх шүүмжлэл дагуулах болсон. Шинэ гишүүд ихэнхдээ танин мэдэхүйн чиглэлийн асуулт асууж, үг хэлэхдээ цаасан дээр хэн нэгнээр урьдчилан бэлдүүлсэн текстээ дужигнатал уншдаг гажиг тогтолцоог бий болгоод байгаа.
Тэгвэл эдгээр “бор халзан хонь”-ууд дунд бүхэл бүтэн 166 цаг 29 минут хуралдсан чуулганы хуралдааны үеэр нэг ч удаа үг хэлээгүй “хэлгүй” гишүүд цаана чинь байна. Тодруулбал, С.Батболд, Г.Солтан, Д.Мурат нар намрын чуулганы хуралдаанд ганц ч үг хэлээгүй гэнэ шүү.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
Сэтгэгдэл байхгүй байна.