АН-ын Их хурал хараахан эхлээгүй, гишүүд яг одоо цуглаж байна. Гэвч СТӨ-ний үүдэнд эсэргүүцэгчид лоозон барин зогсчээ. Учрыг тодруулбал, Орхон аймгийн Баян-Өндөр сумын АН-ын гишүүдийг Их хуралд оролцуулахгүй гэжээ.

Угтаа бол тус сумаас АН-ын Их хуралд оролцохоор намынхаа анхан шатны үүрээс долоон гишүүн сонгогдоод иржээ. Гэвч тэдний оронд өөр гишүүдийг Их хуралд оруулахаар болсныг дээрх хүмүүс эсэргүүцэж байгаагаа илэрхийлж байна.

Мөн тэд АН-ын “Шонхор” фракцийнхан буюу Орхон аймгийн АН-ын дарга Ц.Батхуяг, дэд дарга Ц.Сувдаа нарын намыг дотор нь хагалган бутгаргасан, бужигнуулсан буруутай үйлдэлтэй холбоотой хэмээсэн юм.