Эрүүгийн хэргийн удаа дараагийн ялтай С.Хонаев Баян-Өлгий аймгийн Боловсролын газрын сургалтын албаны даргаар томилогдож, эрүүгийн хэргийн  ялтан, Гэр бүлийн хүчирхийлэгч хэрэгтэн, аймгийн Соёлын газрын дарга асан К.Бегжан нар нь Чингэлтэй дүүргийн эрүүгийн хэргийн анхан шатны шүүхийн 2024 оны 09-р сарын 23-ны өдрийн дугаар 2024\ЦШТ\667 тоот тогтоолоор Эрүүгийн хуулийн ерөнхий ангийн 5.3 дугаар зүйлийн 4 дэх хэсэгт зааснаар 10.0 сая төгрөгөөр торгох ялаар шийтгүүлсэн ба үүнийг Улсын дээд шүүхээс хэвээр үлдээсэн шийдвэр гарсан байдаг.

С.Хонаев нь 2024 онд Аймгийн боловсролын газрын дарга байхдаа Улсын тусгай хамгаалалттай газрын онцгой бүсэд хятад иргэдийг зөвшөөрөлгүй оруулж ирж, хууль бус алт ухуулсан нь нотлогдож, мөн торгох ялаар шийтгүүлсэн юм.

Түүнээс гадна К.Бегжан нь 2024 оны 01-р сард Аймгийн Соёлын газрын дарга байхдаа  гэр бүлийн хүчирхийлэл үйлдсэн хэргээр баривчлагдаж,  мөн  торгох ялаар шийтгүүлсэн юм. Гэвч энэ хүн аймгийн төвийн Ерөнхий боловсролын сургуулийн захирлаар ажиллахаар хөөцөлдөж байгаа сурагтай.

Иймэрхүү эрүүгийн ялтан, ёс зүйгүй этгээдүүд боловсролын салбарын удирдах ажилтнаар ажиллах эрх зүйн үндэслэлгүй байхад эхнээс нь Төрийн жинхэнэ албаны удирдах албан тушаалд сонгон шалгаруулалтгүйгээр дэвшүүлэн томилж байгаа явдалыг таслан зогсоох ёстой юм.

Аймгийн Боловсролын газрын дарга Х.Тойлбай дээрх хууль бус шийдвэрээ хүчингүй болгож, цаашид хууль, тогтоомжийг дээдлэн ажиллахыг иргэд  шаардаж байна.

Эрхэм дарга Х.Тойлыбай та Төрийн албаны тухай хуулийн 22 дугаар зүйлийн 22.1.3-д заасан “Эрүүгийн хуульд заасан авлига, албан тушаалын гэмт хэрэг үйлдэж шүүхээр ял шийтгүүлж байгаагүй байх” гэсэн төрийн жинхэнэ албан тушаалд тавих нийтлэг шаардлагыг хангаагүй хүнийг томилж, Төрийн албаны тухай хуулийн 31 дүгээр зүйлийн 31.1.1 дэх заалтыг буюу хулиар хориглосон заалтыг ноцтой зөрчиж байна.Төрийн албаны тухай хуулийн 37 дугаар зүйлийн 37.1.1 дэх хэсэгт заасан “Монгол Улсын Үндсэн хууль, бусад хуулийг дээдлэн хүндэтгэж, сахин биелүүлэх” үүргээ хөцөрдүүлж, мөн хуулийн З9.1.2-т заасан “албан эрх мэдлээ хэтрүүлэх”, 39.1.3-д заасан “хуульд нийцээгүй шийдвэр гаргах” гэсэн заалтуудын дагуу хууль зөрчиж байгааг анхааруулж байна.