Боловсролын сайд Л.Энх-Амгалан өөрийн цахим хуудсанд нэгэн нийтлэл оруулжээ. Тодруулбал,

"БОЛОВСРОЛЫН ЗЭЭЛИЙН САН БОЛ БАНКНЫ ӨР БАРАГДУУЛДАГ, НИЙТЭЭР НЬ ХЭЛМЭГДҮҮЛДЭГ ГАЗАР БИШ. МОНГОЛ УЛСЫН ХӨГЖЛИЙГ БОЛОВСРОЛООР ДЭМЖИХ ЁСТОЙ БАЙГУУЛЛАГА.

Боловсролын зээлийн сангийн хэрүүлд цэг тавих цаг болсон. Буруутай нь нэг талдаа, буруугүй нь нэр төрөө цэвэрлэж авах ёстой. Энэ сангаас зээл авсан бүх хүн хулгайч луйварчин биш. Сүүлдээ бүр даамжирч улстөрд орох хэрэгсэл болсон.

Тушаал гаргаж чөлөөлсөн гэх 7 сайдыг бүгдийнх нь тушаалыг хууль хяналтын байгууллагад өг. Харлуулаад яриад л байдаг. Одоо болтол нэг ч өгсөн зүйл байхгүй. Хууль зүйн яам, Сангийн яам, Монгол банк, АТГ гээд бүх байгууллагаас төлөөлөл оролцуулж шалгуул.

Хуулийн дагуу үүргээ биелүүлсэн иргэн үл хөдлөх хөрөнгөө авах эрхтэй. Олон даргын олон тушаалаар зээл авсан, авах гэсэн иргэдийг чирэгдүүлдэг, хүнд суртал гаргахаа боль.

Бүх зүйл нээлттэй шилэн байх ёстой. Мэдээллийг цахимд шилжүүл гэж үүрэг өгсөн одоо болтол хэрэгжээгүй.

Одоо ерөнхийлөгчийн 2100 тэтгэлгийн эхний хүүхдүүд төгсөж ирнэ. Энэ хүүхдүүд эх орондоо 5 жил ажилласны дараа зээлээ төл гэж дахиж дарамт үзүүлж магадгүй. Өнгөрсөн жил энэ хүүхдүүдийн төлбөрийг санаатай барьсан байна лээ шүү.

Цаашид энэ сангийн үйл ажиллагааг цоо шинээр зохион байгуулж, олон улсын стандартад нийцүүлж жинхэнэ утгаар нь ажиллуулах болно." хэмээсэн байна.