Энэ оны 8 дугаар сарын 20-24-ний өдрүүдэд ОХУ-ын Москва хотноо Олон улсын тээврийн дээд хэмжээний 4-р чуулга уулзалт зохион байгуулагдана. Уг чуулга уулзалтаар тээврийн дэд бүтэц, ложистикийн чиглэлийг хөгжүүлэх зэрэг асуудлуудыг хэлэлцэхээр төлөвлөсөн байна. Манай улсын хувьд энэхүү арга хэмжээнд оролцож бусад улс орнуудтай тээврийнсалбарын харилцаа, хамтын ажиллагаагаа бэхжүүлэх, төмөр замаар Европын зах зээлд нэвтрэх зэргийг хэлэлцэх боломжтой юм. Үндэсний статистикийн хорооны мэдээгээр 2024оны байдлаар манай гадаад худалдааны 80 гаруй хувь нь ОХУ-ын нутаг дэвсгэрээр дамжин өнгөрдөг.

Энэ нь ОХУ-аар дамжин ачаа тээвэрлэх боломж байгааг харуулж байгаа юм. Монгол Улс, ОХУ нь төмөр замын харилцааг хөгжүүлэхэд томоохон төслүүдээ чиглүүлж байна. Тухайлбал, Зүүнхараа-Эрээнцав чиглэлийн төмөр замыг шинэчилснээр 2024 онд тус замын нэвтрүүлэх хүчин чадлыг 12 хувиар нэмэгдүүлж, жилд 7.3 сая тонн ачаа тээвэрлэх боломжтой болсон. Түүнчлэн Евразийн өргөн хүрээтэй тээврийн системийн нэг хэсэг гэж үздэг Хятад, Монгол, Оросын эдийн засгийн коридор улам бүр чухлаар тавигдажбайна. Энэхүү төслийн хүрээнд логистикийн шинэ терминалуудыг барьж, гаалийн үйл ажиллагааг оновчтой болгох ажил хийгдэж хэдийнэ эерэг үр дүнгээ өгч байна.

Үүний зэрэгцээ, БРИКС-ийн дэлхийн эдийн засагт гүйцэтгэх үүрэг нэмэгдэж байгаа нь тус бүлэглэлийн орнуудын хоорондын тээвэр, логистикийн холбоог бэхжүүлэхтэй шууд холбоотой гэж шинжээчид онцолж байна. Олон улсын тээврийн дээд хэмжээний IV чуулга уулзалтад манай улс оролцож тээврийн дэд бүтцэд хамтарсан хөрөнгө оруулалт хийх, ложистикийг цахимжуулах, гаалийн журмыг нэгдмэл болгох талаар тохиролцох боломжтой юм. Олон улсын худалдааны чиглэлээр судалгаа хийдэг Их Британи, Германы шинжээчид "Тээврийн дэд бүтцийг хөгжүүлэхгүйгээр ложистикийг хөгжүүлэх боломжгүй. ОХУ хүчин чадлаа байнга шинэчилж, дотоод сүлжээгээ бэхжүүлж байгаа нь хөрш орнуудад шинэ боломжуудыг нээж өгч байгааг бид харж байна" гэж тэмдэглэжээ.

Ачаа тээвэрлэлтийг оновчтой болгох, ложистикийн саад тотгорыг багасгах нь Европ төдийгүй ОХУ-аардамжин өнгөрөх тээврийг сонирхож буй Азийн орнуудад чухлаар тавигдаж байна. Манай улсын хувьд Олон улсын тээврийн дээд хэмжээний IV чуулга уулзалтад оролцсоноор Евразийн тээврийн орон зайд өөрийн байр сууриа бэхжүүлж, шинэ технологи олж авах, хөрөнгө оруулалтыг татах, бусад улс орнуудтай ложистикийн харилцаа холбоог сайжруулах боломжийгнээж өгөх хүлээлттэй байна.