NBA-ын талбайд хоёрдугаар шатны плэйоффын хоёр тоглолт боллоо. Эхний тоглолт дорнод бүсийг тэргүүлсэн Миами Хит талбайдаа Филадельфи 76 багтай цувралын эхний тоглолтыг хийлээ. Тус тоглолтын эхний үед найман оноог илл авсан Хит хоёрдугаар үед тааруухан тоглолтыг үзүүлснээр нэг оноогоор хожигдож дуусгасан юм.

Гэвч гурав болон дөрөвдүгээр үед 15 оноог илүү авснаар 92-106 харьцаагаар Хит цувралын эхний хожлоо байгуулж тэргүүлж эхэллээ. Цувралын хоёр дахь тоглолт тавдугаар сарын 5-ны өглөө болно.

Тус тоглолтод сэлгээнээс Тайлер Херро 25 оноо, 7 дамжуулалтаар багаа тэргүүлсэн бол Бэм Адебаёо 24 оноо, 12 самбар, Жимми Батлер 15 оноог авчээ. Эсрэг багаас Жоэл Эмбийд өмнөх тоглолтод гэмтэл авсны улмаас энэ тоглолтод оролцоогүй байна. Харин тус багаас Тобиас Харрис 27 оноо, 6 самбар, Жеймс Харден 16 оноо, 9 самбар, 5 дамжуулалт, Тиреси Макси 19 оноог авчээ.

Өнөөдөр болсон бусад тоглолтын үр дүн

Филадельфи 76 92-106 Миами Хит (Хит цувралыг 0-1 харьцаагаар тэргүүлж байгаа)

Даллас Мавирекс 114 - 121 Финикс Санс (Санс цувралыг 0-1 харьцаагаар тэргүүлж байгаа)