Шударга өрсөлдөөн, хэрэглэгчийн төлөө газраас явуулж буй шалгалтаар нүдний дусаалгыг андуурч өгсөн хэрэг гарчээ. Тодруулбал, "Нүдний дусаалга‼Хэрвээ энэ дусаалгыг нүд муутай, нүдний даралттай хүн, хүүхдэд хэрэглэсэн бол сохрох хүртэл аюултай байжээ. Тус дусаалгыг эмийн санч хэрэглэгчид андуурч өгсөн ба тухайн иргэний ойрын хараа огцом муудаж нүдэнд гэмтэл учруулж байгаа хэрэг гарлаа. Хэдийгээр бид тухайн эмийн санд хуулийн дагуу арга хэмжээ авч, зөрчлийн хэрэг нээн ажиллаж байгаа боловч иргэн та авч байгаа бараа бүтээгдэхүүнээ сайтар хянах, лавлах шаардлагатай байгааг энэ удаагийн тохиолдол харууллаа" хэмээн цахим хуудсандаа нийтэлжээ.