Нийслэлийн Баянзүрх дүүргийн 133 дугаар сургуулийн сурагчид Ковид19 халдвар авч, тус сургуулийн танхимын үйл ажиллагааг зогсоосон талаарх мэдээлэл олон нийтийн сүлжээнд цацагдсан. 

 

Тэгвэл тус мэдээлэл худал болохыг мэдээлжээ. Тодруулбал, хичээлийн шинэ жил эхэлснээс хойш Ковид19-ийн халдвар авсан сурагч огт байхгүй талаар сургуулийн захиргаа мэдэгдэл гаргасан байна. 

 

Ерөнхий боловсролын 133 дугаар сургуулийн захиргаанаас гаргасан мэдэгдэл

 

Нийслэлийн ерөнхий боловсролын 133 дугаар сургуулийн сурагчид ковидын халдвар авч, сургалтын үйл ажиллагаа бүтэн цахим хэлбэрт шилжсэн тухай буруу ташаа мэдээлэл олон нийтийн сүлжээгээр цацагдаж эцэг эх суралцагчид та бүхнийг сэтгэл зүйн хувьд тавгүй байдалд оруулж буйд харамсаж байна. 2021.09.01-нээс хичээл сургалтын үйл ажиллагаа эхэлсэн цагаас хойш ковидын халдвар авсан суралцагч огт байхгүй болохыг албан ёсоор мэдэгдэж байна. 2021.09.06-ны өдрөөс сургалтын үйл ажиллагаа 5:9 зарчмаар хэвийн үргэлжлэх болно.