Жүжигчин Т.Билэгжаргалыг сэтгэцийн эмгэгтэй, хэрэг хариуцах чадваргүй гэж тодорхойлсон учраас түүнд холбогдох шүүх хурлыг хойшлуулжээ. Тодруулбал, Нийслэлийн прокурорын газраас Эрүүгийн хуулийн тусгай ангийн 20.7 дугаар зүйлийн 1, 11.4 дүгээр зүйлийн 1 дэх хэсгүүдэд зааснаар яллах дүгнэлт үйлдэж ирүүлсэн Т.Билэгжаргалд холбогдох эрүүгийн хэргийг Сүхбаатар дүүргийн Эрүүгийн хэргийн анхан шатны шүүх 2020 оны гуравдугаар сарын 27-ны өдөр хүлээн авч хянажээ.

Ингэснээр түүнд холбогдох хэргийг шүүх хуралдааныг энэ сарын 21-ний 10:00 цагт товлосон ч ирэх сарын 13-ныг хүртэл дахин хойшлуулах шийдвэрийг шүүхээс гаргжээ. Учир нь шүүх хуралдаанд Сэтгэцийн эрүүл мэндийн үндэсний төвийн Шүүх сэтгэц эмгэг судлалын шинжээчдийн дүгнэлтэд “Т.Билэгжаргал нь сэтгэцийн эмгэгтэй, хэрэг хариуцах чадваргүй” гэж тодорхойлжээ.

Тиймээс түүнд хийсэн энэ дүгнэлтийг дахин шалгах үүднээс шүүгдэгч Т.Билэгжаргалд хийсэн сэтгэц эмгэг судлалын магадлагааг таван шинжээчийн бүрэлдэхүүнтэй дахин хийх шаардлагатай гэж үзэн, шүүх хуралдааныг ийн хойшлуулжээ.