Эрүүл мэндийн яамнаас өнөөдөр коронавирусийн талаарх нөхцөл байдлын мэдээлэл хийлээ. ХӨСҮТ-ийн дарга Д.Нямхүү "Тусгаарлалтад байгаа 341 хүнээс шинжилгээ хийсэн. Иргэдээс коронавирусийн халдвар илрээгүй. ХӨСҮТ-д 154 хүн эмчилгээ, хяналт тандалтад байна. Харин өнөөдөр өглөө 05:00 цагийн орчимд "Интермед" эмнэлгээс нэг сорьц авчирсан. Энэ хүнд тус эмнэлгээс түргэвчилсэн тестээр коронавирусийн хариу нь эерэг гарсан юм. Одоогоор тус шинжилгээг ХӨСҮТ-ийн төв лабораторид шинжилж байна. Энэ хүний тухайд хүүхэд нь өнгөрсөн нэгдүгээр сарын 7-ны өдөр БНСУ-аас ирсэн. Ойрын хавьтал болох гурван хүнийг тусгаарлаад байна" гэлээ.