Нийслэлийн Засаг Дарга бөгөөд Улаанбаатар хотын захирагч Д.Сумъяабазар өөрийн цахим хуудсандаа уриалга гаргажээ. Тэрбээр "Халдварын эрсдэл танай гэрийн хаалганы бариул, хажуу зэргэлдээ тань зогсож байгаа хүний амьсгал, суугаад буусан цахилгаан шатны агаарт бий гэдгийг бодож Улсын онцгой комиссоос зарласан 15 хоногийн хөл хориог хичээнгүйлэн мөрдөж, өөрийн амь нас эрүүл мэндээ хамгаалахын тулд хариуцлагатайгаар хаалгаа түгжихийг хүсье.

Энэ бол Та болон Таны хайртай дотно хүмүүсийнхээ төлөө хийж буй нийт албан хаагчдын нэгэн адил ЦАР ТАХЛЫН ЭСРЭГ ХИЙЖ БУЙ ТАНЫ ХАМГИЙН ТОМ ТЭМЦЭЛ бөгөөд ТУЙЛДАЖ ЯДАРСАН НИЙТ АЛБАН ХААГЧДЫН МААНЬ гэртээ харьж, үр хүүхдээ тэврэх сайн замын эхлэл юм" хэмээжээ.