Хойд Солонгосын харвасан долоо дахь тив алгасагч ICBM пуужинд  ашигласан хөдөлгүүрийг Украин нийлүүлсэн гэх мэдээлэл гарсан. Тэгвэл Украины сансар судлалын агентлагийн дарга Радченко уг мэдээллийг үгүйсгэж, ОХУ Пхеньянд тус хөдөлгүүрийг илгээсэн байх магадлалтай гэж мэдэгджээ.

Их Британийн олон улсын стратеги судлалын хүрээлэнгийн пуужингийн мэргэжилтэн энэ сарын 14-нд Хойд Солонгос долдугаар сард харвасан ICBM пуужингаа  хуучин Зөвлөлт холбоот улсын шингэн түлшээр ажилладаг RD250 хөдөлгүүрийн шинэчилсэн загвараар тоноглосон байсан гэдгийг тогтоосон. 

Тэгвэл Радченко “Тэр хөдөлгүүрийг 2001 он хүртэл л Украинд үйлдвэрлэж байсан. Тухайн үед ОХУ сансрын пуужинд зориулж үйлдвэрлэж байсан хэрэг. ОХУ-д одоо ч гэсэн үүнтэ ижил төрлийн хөдөлгүүр суурилуулсан пуужин бий. Орос л тэдгээр пуужингийн хөдөлгүүрийг шаардлагатай хүмүүст нийлүүлэх боломжтой” гэж ярьжээ.