Их Британийн нийслэл Лондон хотын хойд хэсгийн Финсбури паркт байрлах сүмийн орчимд суудлын автомашин явган зорчигчдыг дайрч гэмтээсэн хэрэг гарчээ. Энэ хэргийн улмаас олон хүн гэмтэж бэртсэн гэх мэдээлэл байна.

Лондонгийн цагдаагийн газрын мэдэгдэлд “Олон хүн гэмтэж бэртсэн. Шаардлагатай тусламжийг үзүүлж байна. Хэрэгт холбогдуулан нэг этгээдийг баривчилсан” хэмээн мэдээлжээ.

Мөн зарим гэрч шөнө дундын үед паркийн орчимд залбирал үйлдэж байсан хүмүүс рүү гэмт этгээд халдаж, дайрч гэмтээсэн байна.

Хэрэг шөнө дунд 00.20 цагийн үед гарчээ. Сүүлийн үед Лондонд гурван ч томоохон осол гараад байна. Тодруулбал, Лондонгийн гүүрэнд террорист халдлага гарсан бол өнгөрсөн долоо хоногт Грэнфэлл тауэрт гал гарч, багаар бодоход 58 хүн амь үрэгдээд байгаа юм.