Узбекистан томоохон хэмжээний цахилгаан станцаас эхлээд төрийн өмчөө дуудлагаар хувьчилж эхэлжээ. Ингэснээр улс даяарх цахилгаан станцууд, УзАвто Моторс зэрэг гучаад төрийн өмчийн компани хувийн бизнес эрхлэгчдийн гарт шилжиж байгаа аж.
Тус улсын Засгийн газар автомашин үйлдвэрлэгч тэргүүлэх компаниуд, гол цахилгаан станцууд болон олон чиглэлэийн том компанийн төрийн хувьцааг олон нийтэд нээлттэй дуудлага худалдаагаар хувьчилж байгаа нь дэлхий нийтийн анхаарлыг татаж байна.
Хувьчлагдаж буй 29 компанийн нэрсийг ч ийн зарласан байна. УзАвто Моторс (99.7%), улс даяарх цахилгаан станцууд (100), Ташкентын тракторын үйлдвэр 100, Узметкомбинат 91, Навоиазот 75, "Universal Mobile Systems" ХХК - 100, "UZAuto Motors" ХК - 99.7, "UZAuto Motors Powertrain" ХК - 100, Туракурган, Янгиангрен, Ангрен, Сырдарья, Ташкент, Навои, Тахиаташ дулааны цахилгаан станцууд 100, Муборак, Ферганы дулааны цахилгаан станцууд 100, "Технопарк" ХХК 100% зэрэг төрийн өмчийн компаниуд хувьчлагдаж байгаа аж.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
Сэтгэгдэл байхгүй байна.