Тулгар төрийн 2232, Их Монгол Улс байгуулагдсаны 817, Үндэсний эрх чөлөө, Тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын Уяачдын наадамд зориулсан сонгомол дээд насны хурдан морины уралдаан Хүй долоон худагт боллоо.
Үүнээс Төв аймгийн Алтанбулаг сумын уяач Дугаржавын Ганзоригийн сартай хээр түрүү магнайд хурдалж, түмний их баяр наадамд торгон жолоогоо өргүүллээ. Аман хүзүүнд Төв аймгийн Алтанбулаг сумын алдарт уяач Гансүхийн Хадбаатарын бор халзан, айргийн гуравт Завхан аймгийн Тосонцэнгэл сумын уяач Нямдоржийн Билэгсайханы бор, айргийн дөрөвт Увс аймгийн Тэс сумын уяач Бэгзийн Шинэбаярын хул хээр, айргийн тавд Орхон аймгийн уяач Чулуунбатын Батжаргалын Элбэг хээр тус тус хурдалж, түмэн олноо баясгалаа.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
