Африкийн үндэстнүүдийн хөлбөмбөгийн цомын финалын тоглолт өнөөдөр өндөрлөж, Сенегал Улс тивийнхээ аварга боллоо.
Тус тэмцээн сарын турш үргэлжилсэн бөгөөд тэд аваргын төлөө Египетийн шигшээ багтай учраа таарч, үндсэн цагт хуурай тэнцэж, торгуулийн цохилтоор Сенегалын шигшээ ялсан юм.
Тивдээ түрүүлсэн Сенегалын шигшээ багийн ахлах дасгалжуулагч Алиу Сиссе тоглолтын дараа “Хэрэв шаргуу хөдөлмөрлөж, тэвчээртэй байвал хүссэн зүйлдээ хүрнэ гэдгийг харуулж чадлаа. Миний сэтгэл үнэхээр их хөдөлж байна. Учир нь Сенегалын ард түмэн энэ цомыг 60 жил хүлээлээ” гэжээ.
Сенегал улс өмнө нь 2002 болон 2019 онд финалд шалгарч байсан ч ялагдаж байсан юм.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
