Сүмогийн холбоо арваннэгдүгээр сарын барилдаан буюу кюүшү башёгийн арвангурав дахь өдрийн барилдаан болж өнгөрлөө.

Их аварга Хакүхо М.Даваажаргал зодог тайлснаар Тэрүнофүжи Г.Ган-Эрдэнэ ёкозүна цолтой ганц бөх болоод байна. Тэрбээр өчигдөр секиваки Митакеүмитэй барилдаж давсан байна. Улмаар 13 даваатай болж башёг тэргүүлж байна. 

Өчигдөр нэг унаатай байсан озеки Такакэйшо, М-15 Аби нар хоорондоо барилдаж Аби давсан билээ. Тэрбээр өнөөдөр Тэрүнофүжи Г.Ган-Эрдэнэтэй барилдах бөгөөд өвдөг шороодвол аварга энэ башёд түрүүлэх болзлоо хангана.

Харин Комүсүби Ичиножо А.Ичинноровгийн маэгаширагийн 7-оос барилдах Уратай барилдаж өвдөг шорооджээ. Тэрбээр таван даваа найман унаатай болжээ. Өнөөдөр түүний өрсөлдөгч маэгаширагийн 12-оос барилдах Хокүтофүжитэй барилдана.

Комүсби Кирибаяама Б.Лхагвасүрэн маэгаширагийн 4-өөс барилдах Такарафүжитэй барилдаж давжээ. Улмаар таван даваа найман унаатай болжээ. Өнөөдрийн түүний өрсөлдөгч нутгийн бөх маэгаширагийн 5-аас барилдах Хошорюү С.Бямбасүрэнтэй барилдана.

Маэгаширагийн 3-аас барилдах Тамаваши Б.Мөнх-Оргил өчигдөр озеки Шодайтай барилдаж өвдөг шороодлоо. Улмаар есөн даваа дөрвөн унаатай болжээ. Түүний өнөөдөр түүний өрсөлдөгч секиваки Митакэүмитэй барилдана.

Энэ удаагийн кюүшү башёд зодоглох Монгол бөхчүүд:

Макүүчи зиндаа:

Ёкозүна Тэрүнофүжи Г.Ган-Эрдэнэ 13-0

Комүсүби Кирибаяама Б.Лхагвасүрэн 5-8

Комүсүби Ичиножо А.Ичинноров 5-8

М-5 Хошорюү С.Бямбасүрэн 5-8

М-6 Тамаваши Б.Мөнх-Оргил 9-4

М-7 Чиёошома Г.Мөнхсайхан 7-6