Эрэгтэй баг хэсгээсээ гараагүй бол эмэгтэй баг шигшээ наймд үлдлээ

Эрэгтэй баг хэсгээсээ гараагүй бол эмэгтэй баг шигшээ наймд үлдлээ

2019 оны "FIBA 3x3 U23 World Cup" тэмцээн БНХАУ-ын Ланжоү хотод тав дахь өдрөө үргэлжилж байна. Өнөөдөр тус тэмцээний аварга баг шалгарах бөгөөд манай улсаас эмэгтэй шигшээ тоглох билээ. Өчигдөр тэд Германы шигшээ багийг нэмэлт цагт 13-11 харьцаагаар буулгаж авсан бол Угандаагийн багийг 19-17 харьцаагаар хожиж хэсэгтээ 3 хожил 1 хожигдолтой болж С хэсгийг тэргүүлсэн билээ. Улмаар хасагдах шатанд Бельгийн багтай 15:20 цагт өнөөдөр тоглоно. Эмэгтэй шигшээд О.Хулан, М.Цэрэнлхам, Г.Минжин, Б.Ариунцэцэг багтсан. 

Харин манай эрэгтэй баг өчигдөр хэсгийн сүүлийн хоёр тоглолт хийсэн бөгөөд Литвийн багийг нэмэлт цагт 21-19 харьцаагаар хожсон бол БНСУ-ын багийг 22-20 харьцаагаар дутуу гаргаж дуусгасан юм. Тэд D хэсэгт Нидерланд, Литва, Серби, БНСУ багуудтай орж эхний хоёр тоглолтодоо ялагдал хүлээгээд байсан бөгөөд D хэсэгт хоёр хожил хоёр хожигдолтой болж байгаа бөгөөд хэсэгтээ 3-рт орж хэсгээсээ гарах боломжгүй болсон билээ. Манай эрэгтэй багт А.Ананд, Ч.Ихбаяр, Г.Ган-Эрдэнэ, Б.Алтангэрэл нар багтсан билээ.

Ерөнхий дасгалжуулагчаар С.Тулга, Дасгалжуулагчаар С.Төгсжаргал, Г.Ундрах нар явсан байна Дэлхийн аварга шалгаруулах тэмцээнд тив бүрээс шалгарсан эрэгтэй, эмэгтэй тус бүр 20 баг оролцох болно.

ХОЛБООТОЙ МЭДЭЭ
МЭДЭЭНИЙ СЭТГЭГДЭЛ

АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.