Франц улсад болж буй Европын аварга шалгаруулах тэмцээний хэсгийн эхний тоглолтууд өндөрлөлөө. Өнгөрсөн шөнө F хэсгийн хоёр тоглолт болсон. Шөнийн 01:00 цагаас Унгарын шигшээ баг Австритай тулсан. Уг нь энэ тоглолтын фоварит нь Австри гэж олон мэргэжилтнүүд үзэж байсан ч Унгарын шигшээ өрсөлдөгчөө 2:0-ээр буулгаж авлаа. Ингэснээр 3 оноо авч, хэсгээ тэргүүлж эхэллээ.
Тоглолтын 62 дахь минутад Салаи гоолдож, тооны харьцааг нээсэн. Харин 66 дахь минутад Австрийн төвийн хамгаалагч Александр Драгович улаан хуудас авч, талбайг чөлөөлсөн. Ингэснээр хүн илүү Унгарт илүү боломж гарсан. Түүнийгээ ч ашиглаж, 87 дахь минутад төвийн хагас хамгаалагч Штьебер нэгийг нэмж, өрсөлдөгчөө буулгаж авчээ.
Харин шөнийн 04:00 цагаас Португалын шигшээ баг Исландтай тулж, 1:1-ээр тэнцлээ. Ингэснээр хоёр баг оноо хувааж, Унгарын араас бичигдэж байгаа юм. Тоглолтын 31 дэх минутад Нани гоолдож, тооны харьцааг нээсэн. Гэвч 50 дахь минутад Бьярнасон хариуг нь барьснаар Исланд нэг оноо салгаж дөнгөлөө.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
