Тулгар төр байгуулагдсаны 2225, Их Монгол Улсын 810, Ардын хувьсгалын 95 жилийн ойн баяр наадам болоход долоо хоног үлдлээ. Тэгвэл наадмын өдрүүдэд автозамын боомтууд тав хоног ажиллахгүй гэдгийг Гадаад хэргийн яамнаас мэдээллээ.

Тодруулбал, “Нийтээр тэмдэглэх баярын болон тэмдэглэлт өдрүүдийн тухай" хуулийн дагуу Үндэсний их баяр наадмын баярын 11, 12, 13, 14, 15-ны өдрүүдэд Монгол Улсын хилийн автозамын боомтууд ажиллахгүй байхаар болжээ.

Харин олон улсын Буянт-Ухаа, Сүхбаатар төмөр зам, Замын-Үүд төмөр замын боомтууд цагийн хуваарийн дагуу  ажиллаж, иргэдэд үйлчлэх юм байна.