Монголын сэтгүүлчдийн нэгдсэн эвлэлээс  энэ  10 дугаар сарын 30-нд 1000 сэтгүүлчийн форум хийх болсноо өчигдөр зарласан байна. Тус байгууллагаас гаргасан мэдээлэлд “Сэтгүүлч үнэнийг мэдээлэхийн зэрэгцээ ёс зүйгээ эрхэмлэж, нийгмийн итгэлийг даах учиртай” гэсэн байна.  Сэтгүүл зүйн нэр хүнд олон нийтийн дунд суларч буй энэ цаг үед шалтгааныг гаднаас хайхаас илүүтэй бид дотооддоо, мэргэжлийн хүрээндээ нээлттэй ярилцаж, гарц шийдлийг хамтдаа тодорхойлох цаг болсон гэж үзэж байгааг дурджээ.

• -Буруутгахаас илүүтэй засаж залруулахын төлөө.
• -Маргахаас илүүтэй шийдэл олохын төлөө.
• -Хуваагдахаас илүү нэгдэхийн төлөө.

-Сэтгүүлчид бид мэргэжлийн ёс зүйгээ эрхэмлэж, харилцан хүндэтгэж, хариуцлагатай сэтгүүл зүйг хамтдаа төлөвшүүлье! Ёс зүйгээ ярилцъя. Итгэлээ сэргээе. Сэтгүүл зүйгээ хамтдаа хөгжүүлье гэж МСНЭ сэтгүүлчиддээ хандаж, форумд идэвхтэй оролцохыг уриалсан байна.