Сүүлийн үед холбогдох мэргэжилтнүүд Монгол Улсад газар хөдлөлтийн чичирхийлэл идэвхжиж байгаа талаар анхааруулах болсон. Тэр дундаа Улаанбаатар хотод өндөр байгаа аж.

Тухайлбал, 2000 онд Улаанбаатар хот орчим жилд 200 гаруй удаагийн газар хөдлөлтийн чичирхийлэл бүртгэгдсэн бол 2016 онд 1800 гаруй удаа газар шилгээжээ.

Үүнтэй холбогдуулан Мэргэжлийн хяналтын газраас нийслэлийн хэмжээнд 566 барилгад газар хөдлөлтийн үнэлгээ хийсэн байна. Үнэлгээний үр дүнд газар хөдлөлтийг тэсвэрлэх 172, хүчитгэж сайжруулах 75, газар хөдлөлтөд тэсвэргүй барилга 319 байгаа нь тогтоогджээ.

Харин газар хөдлөлтөд тэсвэргүй 319 барилгаас 172-т нь мэргэжлийн хяналтын байгууллагаас цаашид ашиглах боломжгүй гэсэн дүгнэлт үйлджээ.

Тиймээс  98 барилгыг нурааж дахин төлөвлөн шинээр орон сууц барих нийслэлийн Засаг даргын захирамж гарсан байна.

Түүнчлэн нийслэлийн ИТХ-ын тэргүүлэгчдийн хуралдаанаар түр цуглах талбайг дахин тодотгож, 47 байсныг нэмэгдүүлж 100 гаруй түр цугларах талбайг бий болгожээ.

Дээрх талбай дээр ямар нэгэн орон сууц, оффис барихгүй бөгөөд газар хөдлөлт болсон тохиолдолд иргэд цуглардаг байх юм байна.