Нэмэгдсэн өртгийн албан татварын урамшууллын сугалаа өчигдөр боллоо. Энэ удаагийн урамшууллын сугалааны тохирол 2017 оны анхны дугаар гэдгээрээ онцлогтой юм.  

Энэ удаагийн тохиролд 2016 оны арванхоёрдугаар сарын 1-31-ний өдрийн хооронд худалдан авалт хийж, бүртгүүлсэн 7.251.743 баримтыг хамруулсан байна. Сугалааны дүнд 20 мянган төгрөгийн азтан 6523, 100 мянган төгрөгийн азтан 667, 500 мянган төгрөгийн азтан 63, 4 сая төгрөгийн азтан зургаан ачтан тодорчээ. Харин  20 болон 100 сая төгрөгийн азтан тодроогүй байна.  Дашрамд сонирхуулахад, энэ удаагийн сугалаанаас нийт 7259 иргэн азтан болжээ.