Ц.Даваасүрэн: Элчингээр томилох гэж байгааг шагнал гэж ойлгох уу, шийтгэл гэж ойлгох уу
УИХ-ын чуулганы хуралдаанаар зарим хүмүүсийг Элчин сайдаар томилох асуудлыг хэлэлцэж, УИХ-ын гишүүд үг хэлж байна.
Энэ үеэр Ц.Даваасүрэн гишүүн ихэд бухимдсан байдалтай үгээ хэлсэн юм. Тэрбээр “Элчин сайд нарын дотор орж ирсэн хоёр хүн анхаарал татаж байна. Энэ хоёр хүн улс орныхоо төлөө хэр ажиллах юм бол гээд их гайхаж байна. Ер нь манайд Ерөнхий сайд хийж байсан хүмүүс очоод ажиллахаар хариуцлага тооцоход хэцүү шүү дээ.
Тэгээд ч Ерөнхий сайд, Ерөнхийлөгчөөр ажиллаж байсан хүмүүс ингэж доошоо орох хэрэг байдаг юм уу. Компанийн зөвлөхөөр ажиллаад, Элчин сайдаар томилогдох гээд сууж байх юм. С.Баяр, М.Энхсайхан нар Оюунтолгойн гэрээг хийж байсан.
Гэвч эдүгээ улс орон дампуурч, иргэд юугаа ч өгөхөд бэлэн болсон байна. Компаниуд нь ч гэсэн. Тэр алдаад харамсаад байсан нэг сая доллар хэний төлөө юм, өнөөдөр валютын ханш цагаар нэмэгдэж байна.
Тэгэхээр өнөөдөр Элчин сайдаар томилогдох гээд орж ирж байгааг шагнал гэж ойлгох уу, шийтгэл гэж ойлгох уу. Энэ бол нэг ёсны хуйвалдаан. Хариуцлага тооцдог байдлаар явахгүй бол бид энэ хямралаас хэзээ ч гарахгүй” гэсэн юм.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
