Румын улсын Бухарест хотноо зохиогдож буй 1.250,000 ам.долларын шагналын сан бүхий 16 багийн дунд "PGL Masters Bucharest 2026" тэмцээн өчигдөр эхэлнэ.

Тус тэмцээнд "The MongolZ" баг оролцож байгаа өчигдөр эхний тоглолтоо Туркийн "Aurora Gaming" багтай тоглож 2-1 (Inferno 12-16; Nuke 13-2; Dust2 13-9) харьцаагаар хожиж эхний хожлоо байгууллаа. Тэд өнөөдөр Valve-г тэргүүлж байгаа "Vitality" багтай 19:00 цагт тоглоно. Хоёр баг 15 удаа тоглож манай залуус хоёр удаад нь хожиж байсан бол сүүлд энэ оны гуравдугаар сард болсон "BLAST Open Rotterdam 2026" тэмцээний хэсгийн тоглолтод таарч тоглож 0-2 (Mirage 4-13; Overpass 13-16; Inferno 0-0) харьцаагаар хожигдож байжээ.

Тус тэмцээний дүрэм нь гурван удаа хожвол шигшээ буюу хасагдах шатанд шалгарах бол гурван удаа хожигдвол тэмцээнээс хасагдах юм.

The MongolZ баг энэ удаагийн тэмцээнд bLitz /багийн ахлагч/ Б.Гарьдмагнай, Techno4k М.Содбаяр, 910 /AWPer/ Б.Өсөхбаяр, У.Анарбилэг /cobrazera/, nin9 /Г.Есөнтөмөр/ нар тоглох бол maaRaa /coach/ Б.Эрдэнэдалай тэднийг дасгалжуулах юм.