Электрон тоглоомын CS2 төрлийн "The MongolZ" баг энэ оны хоёр дахь тэмцээн "PGL Cluj-Napoca 2026" тэмцээнд оролцоно. Тус тоглолт Румын улсын Клуж-Напока хотноо хоёрдугаар сарын 14-22-ны өдрийн хооронд болно.

Манай залуусын дөрөв дэх тоглолтоо Украйны "Natus Vincere" багтай 2-1 (Inferno 3-13; Nuke 13-7; Mirage 11-13) харьцаагаар хожиж, гурван хожилтой болж шигшээ шатанд шалгарлаа. "Cobrazera" буюу У.Анарбилэгийг энэ онд нэгтгэснээ хойш анхны тайзан дээрх тоглолтод оролцох гэж байна.

"The MongolZ" баг эхний тоглолт Бразилын "paiN" багтай тоглож 2-1 (Nuke 7-13; Mirage 13-1; Dust2 13-2) харьцаагаар хожиж дараагийн тоглолтоо Европын холбооны "Team Vitality" багтай тоглож 1-2 (Mirage 13-10; Dust2 4-13; Nuke 4-13) багтай тоглож хожигдсон билээ. Улмаар гурав дахь тоглолтоо Украйны "B8" багтай тоглож 2-1 (Ancient 13-9; Mirage 7-13; Nuke 19-17) харьцаагаар хожсон билээ.

1,250,000 ам.долларын шагналын сантай тус тэмцээнд нийт 16 баг оролцож байгаа бөгөөд гурван тоглолт хожсон найман баг нь шигшээ тоглолтод оролцох бол гурван тоглолт хожигдсон баг нь тэмцээнийг орхино.

The MongolZ багийн бүрэлдэнүүнд ахлагч Blitz  /Б.Гарьдмагнай/,  Techno4k  /М.Содбаяр/, 910  /Б.Өсөхбаяр/, Mzinho  /Б.Аюуш/, "Cobrazera" У.Анарбилэг, дасгалжуулагч Maaraa /Б.Эрдэнэдалаа/ нар тоглож байна.